In Part II of this interview Mavado talks about his friendship with Foota Hype and where it's at now. He also highlights why he had to break off the friendship.
OutAroad.com: Foota said he's one responsible for bussing you how true is that?
Mavado: Mi nuh ungrateful Foota played apart but since me buss bigger more people know Foota suh at the end of the day mi pass on back di favor because a nuff place mi career Foota Hype. In this time yuh better mek sure yuh save and put a little money aside -- si Frass just start link wid mi and already Frass has big riddim weh help Chass Cross and Flexxx career fi tek off.
Ok, mek wi look pon this from a different angle if Foota Hype seh him buss mi why him nuh guh mek one more Mavado or guh buss him woman I-Shawna look how long shi a sing why him nuh guh pay more attention to him woman an low mi or guh tun artiste and buss yuh self like how Mattheron buss himself.
OutAroad.com:You mentioned that Foota is also not on good terms with Bounty Killer - what went wrong?
Mavado:Foota and Bounty Killer nuh talk fi more than two years now because him vex wid Killer fi less than a hundred thousand dollars and mi nuh hear him a seh killer a p*ssy -- but Foota Hype seems to be targeting me because him know seh me is a youth nuh like di media thing. Mi know a lot of people dat Killer cut off and mi nuh si none a dem going around like a girl spreading propaganda pon Killer name -- Foota fi stop acting like a gal. At the end of the day mi caan understand how Foota fi hate Bounty Killer and a Killer help to bring him to the forefront and mek people start know him and before Killer know Foota a Beenie Man him use to par wid
OutAroad.com:Did you expect the years of friendship to end like this?
Mavado:Yow this is something mi never expect woulda happen because wi grow together but if you are going to be around me and all yuh duh is down grade the other yutes dem mi not going to support that. Di man even went as far as to tell Chass Cross dat him will never buss because him a iron balloon and tell Flexxx fi guh back a farin guh juggle. Right now mi know him must feel away fi know seh di same man dem whe him seh a iron balloon buss now and a get hotta and hotta each day. Foota one thing mi affi tell yuh di Gully will never stop running lots more youths aguh buss from di Gully Side.
OutAroad.com:What's your take on the word loyalty?
Mavado:My take on the word loyalty is that I will never stop big up Bounty Killer every interview mi duh mi make sure mi outlined my respect for the Killer. Nuff a dem never know mi woulda buss suh big but Killer was always there and as you can see a whole heap a youth Killer buss but because dem nuh loyal dem betray di dads…Bounty mi seh fi life…From day one Foota nuh loyal.
OutAroad.com:Do you think with success comes more problem?
Mavado:If mi was a regular yute Foota Hype wouldn’t waan par wid mi and then mi wouldn’t affi suffer for the f**kery dem him gwaan wid a nuff more things Foota duh but mi nuh think the public need fi know dat. Dem charge mi fi everything but mi sing mi way out of it…Jehovah guide mi.
OutAroad.com:Tell us some of the things you would change if you could?
Mavado:Right now If mi did know seh a dem things yah comes with success then mi wouldn’t badda wid di artiste thing God forgive mi for saying so but trust mi if you were in my shoes I don’t think you would survive a day being successful, yuh affi have yuh head pon yuh body.
OutAroad.com:What is the main cause for the friendship to end like this?
Mavado:First thing Foota Hype badmind -- di man nuh waan fi si anyone else round mi unless him approve of it. Foota mash up di whole a mi vehicle dem -- Foota even went as far as fi tell mi lie seh dem thief him car because he wanted me to buy another one. Mi look pon Foota and seh keep a show wid mi then use the money from that and buy back yuh self a vehicle and di man vex wid mi like seh him a mi gal.
Right now, mi caan believe it seh di friendship mash up but mi affi accept it and move on.
Mi get a bike from someone which I called my prize-gift mi len Foota and then Foota len someone else mi bike and have di man a wheelie up and down the road and mash up di bike.
In life yuh affi know when to walk away from something nuh matter how far yuh and di person coming from. Even when mi and Foota nuh deh pon good terms mi still a get him pon shows overseas. When mi just get back mi visa di first show mi duh a farin was held by Foota Hype if mi never was a true friend mi could guh duh the show for some other promoters who would have paid me a lot of money. Anyways di show gwaan good and mi happy him mek a good change and not even thanx di man tell mi plus thing the hotel dat him put mi seems like a f**k-shop and then right after dat him start to show mi bad face again the next day.
Foota biggest problem is that him worship vanity and him pick up a lifestyle that him can manage.