Chat Too Much, wrote a song for Mavado - Check it out at the bottom
By Chat Too Much
Mi people three letters inna di alphabet a badder mi from di other day, yeah DNA - mi nuh figet nothing because mi have ways fi find out the truth. And from mi seh DNA di whole world know a who mi a talk and fi who don’t know a who - mi sorry because mi not calling no name because mi nuh want di King of Controversy or Fallen Angel come sue mi because mi nuh have no money.
Anywayz, after the story buss big di other day di public never get fi know di outcome of di result, but one of mi mix up fren tell mi dat a di King pickney, but mi hear seh before Fallen Angel do the official DNA testing - shi did har own At Home DNA Testing. Mi hear seh she sit down di beanie boy inna waan chair and shi play almost every songs dat di King sang and di pickney nuh rock or jump him just sit still like a white man weh a hear dancehall fi di first time. But then again mi nuh believe true di baby come from a musical family that means di baby should rock, uhno figet dat Grung God nuh love dance either. But it seems as if the DNA test really turns out to be true because mi hear seh di first word di child learn was Zaga Zow – I rest my case – suh any artiste who want to find out if dem get jacket you can email me at is-it-mybaby@gmail.com.
People uhno know mi caan leave and mi nuh beg up di Gangsta for life deejay Mavado, yeah a him first big mi up and seh some bowy Chat Too Much.
Anywayzzzz!!!!! How di man royalty money nuff so – mi hear seh him used one of him royalty check and buy di Range Rover and di youth dat help him write a drive Range Rover to suh Mavado mi have waan song fi yuh because mi waan drive Ranger Rover too, hear it goes.
“A mi dem a pree,
true mi buy mi Range Rover mi nuh get dat fi free,
So mi affi give thanx to di almightee,
Fi wash away di envy, grudges and jealousee
Mavado a lock si place now.
First hit tune was Gangsta For Life,
so mi know seh mi did of to survive,
stick to mi roots - stay pon di gully side,
and nuh me mek certain bowy caan fly
A nuff a dem want fi si mi career pop down,
dem want fi war but mi nah go mek dem draw mi out,
because dem can’t fight mi physical,
not even lyrical,
before dem win mi thugs dem tek dem out.
Disclaimer :
The opinion of this writer's article is not necessarily the opinion and views of OutAroad.com
Posted on January 10, 2008 10:22
yow this article is real funny, yow i think chat too much is a good song writer she should be in dancehall business
Posted on January 10, 2008 10:25
mi love dis website it sell off because from about two weeks now mi nuh laugh but this morning when mi read this mi laugh til mi cry, sometimes it fi poke little fun on the artiste dem
out aroad thanx for keeping us entertained
Posted on January 10, 2008 10:40
mi love di dah song it sound like a song that mavado would write it mad over all this entire story is just something to laugh about lol
Posted on January 10, 2008 10:50
lol, lol, yow this gal mix up bad di people dem ago beat yuh because you Chat Too much
Bounty seh a whoooooo!!!!! and di audience seh Beeniee
Posted on January 10, 2008 11:14
beenie man and d'angel should never part because they were such a nice couple the little boy so sweet i oly hope they will get back together
Posted on January 10, 2008 11:28
outaroad even though dem things mek mi laugh mi nuh waan see nothing more beenie man and angel because them i s too ediots a time fi uhno buss some new artist now and let us forget about them two poppi show deh
more new artist a dat mi seh
Posted on January 10, 2008 11:39
LOL..LOL...LOL..LOVE THE SONG
Posted on January 10, 2008 11:42
a true di thing entertaining but i think is time we leave them alone and mek them live them in regrets because them nuh worth talking about unless it's beenie and barbee mi love si dem together, but me can't believe that barbee a just 19
Posted on January 10, 2008 12:17
no matter what beenie man d'angel is the best gossip ever happened in the industry, it was like episode after episodes
Posted on January 10, 2008 12:40
mi ago want ohno low mi man beenie and just come off him back because him move on and tek care of him son and a enjoy life with barbee him thing well good just low him
Posted on January 10, 2008 21:11
mi have a feeling a mavado really wrote that song and chat too much a act like a she penned the song di song sounds too much like a real mavado
Posted on January 10, 2008 21:20
even though a f**kery mi still could not help but to laugh people must remember that they are the ones who put them selves in this spotlight so if people poke fun at them then a dat them fi get a our time now fi laugh at them
Posted on January 10, 2008 23:15
Who a pree, mark de cree,
always deh pon palarving spree
wid mi pretty fat bottom thing call Bar-bee
living de life of a celebrity
gangster fe life widout a wife
get rob a ATL fe de hotel fee
you should a pay wid de dub-plate fee
weh cause de Bajan dem fe box and tump you ina de melee
why u never pop off de 9-mili
Run gone a police fe rescue thee
H2-Hummer, we nuh style Range Rover
It too similar to police Land Rover
Weh dem use fe haul old prisoner
Image in tact, always look proper
Ah nuh new money, straight big timer
Mi tax bill, bigger than dem total asset
You nuh see dem mansion nuh build yet
Mi bless, never write a bounce check
Mi life story put money in dem pocket
Every DJ have a lyric bout D’Angel and Beenie
Listen to de alliance fraternitee
DNA Test, di latest labrish, a give dem progress
Big man nuh fight, only give de order
Physical, only wid mi gal
Wid man never
Legend fe de buiz…lock it to de gridz
Career can’t pop down
Sting flop thru mi nuh come
King of de dance hall oonuh fe welcome
Mi say no holds bar
Man run fe covaar
who dem send fe shoot, nuh new recruit
What happen to de 5-star general weh dem salute
Dawn of de dead, come out come eat bread
Resurrect mi nemesis
Posted on January 12, 2008 23:25
beenie man a waa kind a f**kery that yu send di man,how yu fi go diss the man before yu go diss the ground god fi the falling angel mr. fassy. yu caa diss the real mckoy who i ganster fi life.